幾乎九成有置業的朋友，近日都笑口騎騎，滿面春風。
全城樓市慶合合，發展商400呎細單位，當千呎豪宅賣；沙田大圍甚至「負資產重災區」的天水圍，樓價都已經重返九七後，連曾特首標榜「後生仔買樓應從偏遠地區開始」的屯門，近日樓價亦超越九七。
朋友A廿幾年樓齡的蝸居400呎，由兩年前的130萬，急升至目前180萬元；B的堅尼地城三十年單位，帳面亦賺逾過百萬元，甚至連從不起眼的大圍舊樓，亦帶契C賺過60-70萬元。每月「死慳死抵」月儲五千的D，儲足100個月-即八年三個多月，才會儲到50萬元。相比「一個轉手」便進帳50-100萬元的A, B, C，無彀蝸牛只能望門輕嘆。
路邊河塘鴨話：「樓市仲有得去。」政府連番出招，連賣樓賺錢的發展商，都挺胸指樓市有泡沫。超乎市場想像的「理性」，還未將樓市推上高峰。正所謂「上帝要你滅亡，必先令你瘋狂」，未有瘋在，何來滅亡?
