舉例如下：
男：今朝你食左咩早餐呢？
女：我食左腸仔炒旦。
男：點解要食腸仔旦，唔食火腿旦？
女：因為腸仔好食囉。
男：係咩腸仔？
女：大家樂腸仔。
男：大家樂？大家樂腸仔好食過大快活咩？
女：大快活好食咩？
男：我覺得美心好食...
(下刪萬字)
另一演譯：
男：今朝天氣凍，有無著衫？
女：有，著左件褸。
男：邊件？紅色個件？
女：唔係，黑色個件。
男：點解唔著黑色個件？
女：今日襯黑色。
男：點解襯黑色？入面著咩衫？
女：深色樽領。
男：上次旺角買個件？
女：唔係，自己係中環買個件。
男：咁旺角個件呢？好少見你著。
女：有著呀...
男：(再問問問). 下刪千萬字。
四兩撥千斤的對話，足夠拖拉一個晚上。
無聊對話，無助維持一段關係。
有幾多男朋友，可以學廣告中的Leon講電話，一句起兩句止，金句如：「有緣的話，我地會再見。」
*************
2010.1.4. 非常重要的日子. 打工仔復工! 努力賺錢! 努力投資!
