莎莎卓悅不再愛我們(唔該啦，人地同胞一掃幾舊﹑幾千蚊，我仲得閒幫你班xx搵洗頭水﹑乜乜牌子試用裝，賺你個幾十蚊？)
Zara,HM不夠人搶(姐姐大姑，你買得個一件，我行開行埋一個款掃幾個色喂港燦！)
LV,Chanel(兩萬蚊一個包﹑濕濕碎啦，作為自由行的我們，這個包，送人罷，我自己在Hermes訂了自己的包，吹咩!)
女人牌子如是，男人牌子亦如是。
Mont Blanc分銷：「你搵呢支筆，係，兩年前賣緊$1400，而家無$3000，你唔好諗出門口...」
標緻車行sales：「呢款車，咁平(明顯對同胞角度評鑑)，一出，掃x晒啦。」
我唔理我唔理我唔理你乜野事，而家港人係香港仲買唔買到野先。你班"朋友"將個party攪寸晒攪貴野乜事先。你地有錢大晒但我有尊嚴有教養，係咪無資格消費先。
Sorri，你可以發你自己個脾氣，但唔關我事。不過事實係，而家港舖唔粉想做港人生意，連樓盤都係針對同胞，仲話有樓盤只賣比國同胞。(係啦係啦，唔該你地啦，搵得個百零二百萬個D盤仔，我地同胞成個書包一千蚊一千蚊咁車埋我個面落訂... 借借啦...)
所以你咪不斷見到有大Q把傻仔，三萬七蚊一呎咁買重慶大廈後面個所謂摩天大廈，仲有on8萬九幾七蚊買左港島西垃圾房收集站隔離個個樓盤。住又唔係投資又唔係。唔知為咩...
但就係攪寸左個party囉。
caption：呢部機，一年前賣緊$6500-6900仲送埋原價$1200皮套，而家中環相機街平均售價由$8700-8950不等，仲要sorri，全條街得番兩部(呢個只係11月9日的update，11月10日可能清埋呢兩部，幾時有貨翻都係遙遙無期)，炒到咁貴，點解?你問下個D sales囉，佢見你香港人，未必會答你。
